अछाममा भौतिक उपस्थितिमै बिद्यालय सञ्चालन,स्वास्थ्यका मापदण्ड पालना गर्नुपर्ने

चन्द्र प्रसाद भाट,भाद्र २५ गते,अछाम : जिल्ला कोभिड संकट ब्यवस्थापन केन्द्र डिसिसिएमसि अछामले भाद्र २२ गते जिल्ला स्थित सरोकारवालाहरु संगको संयूक्त बैठकबाट जिल्लाका बिद्याललयहरु सञ्चालन गर्ने निर्णय गरेपछि अहिले जिल्लाका सामुदायिक तथा सँस्थागत बिदालयहरु धमाधम सञ्चालन हुन थालेका छन ।

बिभिन्न स्थानिय तहहरुले आफ्नो पालिकामा शिक्षा समितिको बैठक राखि बिद्यालयहरु सञ्चालन गर्न लागका हुन । लामो समयसम्म बिद्यालहरु सञ्चालनमा नआउँदा बिद्यार्थिहरुमा नकारात्मक असर पर्दै भएको थियो ।
पछिल्लो समय अछाम जिल्लमा कोरोनाको महामारी कम हुँदै गएको भन्दै बिद्यालयहरु सञ्चालनमा आउन थालेका छन । जस अन्तरगत आज कमलबजार नगरपालिकामा बसेको नगरस्तरीय शिक्षा समितिले बिद्यालयहरु सञ्चालन गर्ने निर्णय गरेको छ ।

बिहिबार नगरपालिका कार्यालयमा बसेको शिक्षा समतिको बैठकले यहि भदौ २८ गते सोमबार बाट नगर क्षेत्रभित्रका सबै बिद्यालयहरु सञ्चालन गर्ने निर्णय गरीएको कमलबजार नगरपालिकाका निमित्त प्रमुख प्रशासकिय अधिकृत खड्ग बहादुर बिस्टले जानकारी दिनुभयो ।

सुदूर दर्पण डटकम अनलाईन पत्रिका संग कुरा गर्दै अधिकृत बिस्टले कमलबजार नगरपालिकामा कोरोनाको संक्रमण दरमा कमि आएकाले स्वास्थ्यका मापदण्डहरु अवलम्बन गर्दै भौतिक रुपमै बिद्यालय सञ्चालन गर्ने निर्णय गरीएको उहाँले बताउनुभयो । बिद्यालय सञ्चालन गर्ने निर्णय गरी प्रत्येक वडा कार्यालयमा निर्णय पठाईसकिएको बिस्टको भनाई छ ।

बिद्यालय सञ्चाल हुँदा बिद्यालयमा प्रत्येक दिन बिद्यार्थि तथा शिक्षकको उपस्थिति र उनिहरुको स्वास्थ्य अवस्थाका बारेमा रीपोटिंग गर्न बिद्यालयमा कार्यरत उच्चतम तहको शिक्षकलाई बिद्यालयले जिम्मेवारी दिनुपर्ने लगाएतका निर्णयहरु गरिएका उहाँको भनाई छ ।

यस्तै अछामको साँफेबगर नगरपालिकाले बिहिबारबाटबिद्यालयहरु सञ्चालनमा आएका छन । कोरोनाको संक्रमण दरमा कमि आएको भन्दै स्वास्थ्य सर्तकता अपनाउँदै बिद्यालयहरु स्ञ्चालन गर्ने निर्णय गरीएको नगरपालिका प्रमुुख कुल बहादुर कुँवरले जानकारी दिनुभयो । साँफेबगर नगरपालिकामा आजबाट बिद्यालयहरु सञ्चालनमा आईसकेका छन ।

मंगलसेन नगरपालिकामा पनि बिद्यालयहरु भौतिक उपस्थितिमै सञ्चालन गरीएका छन । उता ढकारी गाउँपालिकामा पनि भौतिक रुपमै बिद्यालयहरु सञ्चाल भैरहेका कालीका माध्यामिक बिद्यालय हिच्माका शिक्षक सर्प बहादुर बिस्टले बताउनुभयो । यस्तै जिल्लाका अन्य पालिकाहरुले पनि नियमित रुपमा बिद्यालयहरु सञ्चालन गर्ने तयारी थालेका छन । भौतिक रुपमै बिद्यार्थिहरुलाई सहभागी गराएर पठनपाठन सुरु गर्ने तयारी भैरहेको बताइएको छ ।