बेपत्ता तिमिल्सैनाको खोजि गर्न भन्दै यातायात सहित गैरीटाँड बजार बन्द,एकजना मृत भेटिए

चन्द्र प्रसाद भाट,कार्तिक ८ अछाम । अछामको कमलबजार नगरपालिका वडा नः ५ का रेशमराज तिमिल्सैना बेपत्ता भएको १ हप्तासम्म पनि अवस्था थाहा हुन नसकेको भन्दै आज गैरीटाँड बजार बन्द गरीएको छ ।

आज बिहान १० बजेदेखि बन्द गरीएको बजार केहि समय खुलेपनि फेरी बन्दलाई निन्तरता दिएको पाइएको छ । मंगलसेन बाट गएका तिमिल्सैना गैरीटाँड बजार स्थित एक पसलमा २ दिनसम्म बसेको र सोहि पसलबाट बेपत्ता भएका थिए ।

बेपत्ताको खोजिकार्य तिब्र पार्नका लागी दबाब स्वरुप बजार बन्द गरी नाराबाजी गर्नुपरेको कमलजबार नगरपालिका वडा नः ५ का स्थानिय सत्यराज तिमिल्सैनाले बताउनुभयो ।

यातायातका साधनहरु बन्द गरी यात्रुहरुलाई दुःख दिने आफुहरुको उदेश्य नभएको भन्दै उहाँले खोजि कार्य तत्काल सुरु गर्न दबाब दिइएको बताए । लामो समयसम्म बेपत्ता भएका तिमिल्सैनाको अवस्था अहिले सम्मपनि अज्ञात रहेको छ ।

बेपत्ता भए लगत्तै आफुहरुले पनि खोजिका लागी पारीवारीक पक्षले प्रहरी समक्ष तत्काल खबर नगर्नु आफुहरुको कमजोरी भएको स्विकार्दै तिमिल्सैनाले अहिले प्रहरी जाहेरी पनि दिसकेको भन्दै स्थानिय र प्रहरीको टोलीले बेपत्ताको खोजिकार्य सुरु भैसकेको उहाँले रेडियो गाउँघर संग बताउनुभयो । अहिले खोजि कार्यका लागी प्रहरी प्रशासनबाट पनि सकारात्मक सहयोग भैरहेको उहाँको भनाई छ ।

यस्तै आज दिउँसो गैरीटाँड बजारमा सम्पुर्ण यातायातका साधनहरु ठप्प पारी बजारमा नागराबाजी गरीएको थियो । बेपत्ता भएको लामो समयसम्म पनि खोजिकार्य सुरु हुन नसकेको भन्दै बेपत्ताको खाजिकार्य तत्काल सुरु गर,पिडितलाई न्याय दे,अपराधि पत्ता लगाई कारबाही गर,अपाराधिक क्रियाकलाप बन्द गर लगाएतका नाराहरु लागइएका थिए ।

बेपत्ता तिमिल्सैनाको खोजीका लागी दबाब दिँदै गरीएको बजार बन्दले सावारीमा आवतजावत गर्ने यात्रुहरु अलपत्र परेका छन । मध्यान्न १२ बजे केहिबेरका लागी रोकिएका यात्रुहरुलाई गन्तब्यमा जान दिइए पनि फेरी पनि बन्दलाई जारी राखिएको छ ।

बजार लगाएत यातायातका साधनहरु ठप्प हुँदा जनजीवन कष्टकर बनेको छ । यता जिल्ला प्रहरी कार्यालय अछामको एक टोलीले घटनास्थल पुगेर खोजीकार्यका साथै अनुसन्धानको काम पनि सुरु गरेको छ । बजार तथा जङ्गल क्षेत्रमा स्थानियको सहयोग लिएर खोजी कार्य सुरु गरीएको र घटनाको बारे अन्य कोणबाट पनि अनुसन्धान भैरहेको अछाम प्रहरीका प्रमुख तुलसीराम अर्यालले बताए ।

साथै बेपत्ता घटनाको बारेमा जानकारी लिन बजारमा ब्यवशाय गर्दै आएका केहि ब्यक्तिलाई सोधपुछका लागी जिल्ला प्रहरी कार्यालय मंगलसेन ल्याइएको प्रहरीले जनाएको छ ।

यो पनि…..
७ दिन देखि बेपत्ता नेपाली काग्रेस अछाम क्षेत्र नंबर २ अंतर्गत क्षेत्रीय प्रतिनिधि चेतनाथ जैशी मृत भेटिएका छन् । जिल्लाको मंगलसेन नगरपालिका वडा नं. ७ खेताडा निवासि जैशी आफ्नै गाउँ नजिकै सिमसल्ली भन्ने ठाउँमा मृत भेटिएका स्थानिय प्रकाश भण्डारीले बताए । मृत भेटिएका जैशी ३ गते राती १२ बजे घर बाट निस्के देखि घर परिवारको सम्पर्कमा आएका थिएनन् ।उनको मृत्यु के कति कारणले भएको हाे भन्नेबारे जानकारी खुल्न सकेको छैन ।