टेकराज भण्डारी, पौष ४, अछाम । नेपाल बैंक लिमिटेड अछाम शाखा द्वारा अछाममा बाढी पहिरोका कारण ज्यान गुमाएका मृतकका परिवारलाई आर्थिक सहयोग प्रदान गरेको छ । गत भदौ अन्तिम साता परेको बर्षासंगैकाे बाढी पहिरोमा परी ज्यान गुमाएका २३ जना मृतकका परिवारलाई जनही १० हजारका दरले २ लाख ३० हजार आर्थिक सहायता गरिएको साँफेबगर शाखामा प्रबन्धक दिनेशराज जोशीले बताउनु भयो ।
जिल्लाको कमलबजारमा एक कार्यक्रमका बीच मृतकका आफन्तलाई आर्थिक सहयोग गरिएको हाे । कमलबजार नगरपालिका वडा ६ विरपथ र वडा नं ८ ढाँकु तुर्माखाँद गाउँपालिका ५ र ढकारी गाउँपालिकाका बाढी पहिराेमा परी ज्यान गुमाएकाका परिवारलाई कमलबजारमा कार्यक्रमका वीच सहयोग गरिएको प्रबन्धक जाेशीकाे भनाइ छ ।
बैंकको सामाजिक उत्तरदायित्व कार्य अन्तर्गत सहयाेग गरिएको नेपाल बैंक लिमिटेड सुदूरपश्चिम प्रदेश प्रमुख बरिष्ठ प्रबन्धक विश्वराज भण्डारीले बताउनु भयाे । विपत्तिमा परेकालाई केही राहत होस् भन्ने उद्देश्यले आर्थिक सहयोग गरिएको प्रदेश प्रमुख भण्डारीकाे भनाइ छ ।
कमलबजार नगरपालिका वडा नं ८ ढाँकुका वडा अध्यक्ष प्रजा बहादुर बोगटीको अध्यक्षतामा भएको आर्थिक सहायता हस्तान्तरण कार्यक्रममा नेपाल बैंक लिमिटेड त्रिवेणी शाखा प्रबन्धक सन्जित थापा, लगायतको सहभागिता रहेकाे थियाे ।
कार्यक्रमकाे सञ्चालन कमलबजार नगरपालिकाका निमित्त प्रमुख प्रशासकीय अधिकृत पूर्ण प्रसाद बजगाईँले गर्नुभएको थियोे । ढाँकुका मृतकका आफन्त गोपाल दमाइ लाई ५० हजार, त्यसैगरी विरपथ मृतक ७ जनाका नम बिक लाई ७० हजार हस्तान्तरण गरिएको थियाे । अन्यलाई पनि राहत रकम प्रदान गरिएको हाे । सहयाेग गरेकोमा पीडितले बैंकलाई धन्यवाद व्यक्त गरेका थिए ।
Discussion about this post