आफूले पाउने सुविधा बाट स्थानीयलाई सहयोग

अछाम : कमलबजार नगरपालिका वडा नः ५ का अध्यक्ष सत्यराज तिमिल्सैनाले आफ्नो पारिश्रमिकबाट स्थानीय विष्णु तिमिल्सैनाकी आमाको काजकिरियाको लागी ५ हजार सहयोग गर्नुभएको छ ।

मृतकको काजकिरियामा सहयोग पुगोस् भन्ने उदेश्यले आफुले पाउने सेवा सुविधा बाट सहयोग गरिएको उनले बताएका छन । निर्वाचित भएपश्चात समाजिक कार्यहरुमा सक्रिय रहेका वडा अध्यक्ष तिमिल्सैनाले निरन्तर यस्ता कामहरु गर्दै आउनुभएको छ ।

आफू जनताको प्रतिनिधि भएकाले वडामा बिकासका कामहरु संगै व्यक्तिगत रुपमा पनि सामाजिक कामहरु गर्दै आएको उनले बताए । आफ्नो दायीत्व बोध गर्दै समाजिक कार्यहरुमा लागीरहेको तिमिल्सैनाले बताए ।

आफ्नो राजनितिक यात्रा सधेँ सामाजिक कार्य र वडा पालिकाको विकासका लागी खर्चिने समेत उनले बताए । यस्ता सामाजिक कार्यहरुका कारण अध्यक्ष तिमिल्सैनाले सार्वजनिक रुपमा प्रशंसा बटुलीरहेका छन ।