साँफेबगर नगरपालिकाले अनलाईन फारम मार्फत राहत वितरण गर्दै

अछाम । साँफेबगर नगरपालिकाले आय श्रोत नभएका समुदायका लागि राहत उपलब्ध गराउने भएको छ । कोरोना भाईरस कोभिड १९ ले निम्त्याएको बिषम परिस्थितीले बिच्चलीमा परेका तथा बैकल्पिक आयश्रोत नभएका समुदायका लागि अनलाईन फारम मार्फत राहत उपलब्ध गराउने भएको हो ।

साँफेबगर स्थायी घर भएर हाल जिल्ला बाहिर तथा देशका विभिन्न ठाँउमा रहेका उक्त समुदायहरुका लागि सहज होस भनेर अनलाईन फारम मार्फत राहत उपलब्ध गराईने नगरपालिकाका निमित्त प्रमुख प्रशासकिय अधिकृत लक्ष्मी प्रसाद शर्माले बताए ।

नगरपालिका अन्र्तगत प्रकोप व्यावस्थापन केन्द्रको जेष्ठ १ गतेको निर्णय अनुसार कामको शिलशिलामा जिल्ला बाहिर तथा देशका बिभिन्न ठाँउमा रहेका उक्त समुदायका लागि अनलाईन फारम भरेपश्चात राहत उपलब्ध गराईने अधिकृत शर्माको भनाई छ ।

अनलाईन फारम भर्ने तरिका साँफेबगर नगरपालिकाको वेबसाईट तथा जारी गरिएको सुचना हेरेर फारम भर्न सकिने नगरप्रमुख कुलबहादुर कुवँरले बताए । अनलाईन फरम भर्दा वा पेश गर्दा कुनै समस्या भएमा ९८०८५००००९ मा सम्पर्क गर्न सकिने नगरका सुचना तथा प्रबिधी अधिकृत कविता कुवँरको भनाई छ ।