विपद व्यवस्थापनका लागी नगरपालिका तयारी अवस्थामा छ : कार्यवाहक प्रमुख कुँवर

८ चैत्र, अछाम : अछामको कमलबजार नगरपालिकाका कार्यवाहक नगर प्रमुख शारदा कुमारी बिष्ट कुँवरले वर्षायाम सुरु भइसकेकाले विपद बाट सचेत रहन सुझाव दिनुभएको छ ।  मंगलबार नगरपालिकाको सभाहलमा भएको विपद पूर्व तयारी तथा प्रतिकार्य योजना सम्बन्धी एक अन्तरक्रिया कार्यक्रममा बोल्नुहुँदै कुँवरले यस्तो बताउनुभएको हो । 

कमलबजार नगरपालिकाको हकमा अधिकांश वडाहरू विपदको जोखिममा रहेको भन्दै आउने जोखिमको समयमा सुरक्षित रहन आग्रह गर्नुभएको हो । 

जोखिमपूर्ण वडाका नागरिकको सुरक्षाका लागि नगरपालिका तयार रहेको बताउँदै उहाँले यसका लागि कार्ययोजना नै निर्माण गरी नगरपालिकाले काम गर्ने भन्दै हुने सम्भावित जोखिमबाट जोगाउन कार्यपालिका तयार रहेको बताइन् । 

गत वर्ष कमलबजार नगरपालिकामा विपदका कारण   ठूलो मानवीय क्षति भएको भन्दै त्यो घटना दोहोरिन नदिन सबैले हातेमालो गर्नुपर्नेमा जोड दिनुभयो । 

नगरपालिकाका कार्यवाहक नगर प्रमुख शारदा कुमारी बिष्ट कुँवरको अध्यक्षतामा भएको कार्यक्रममा  वडा अध्यक्षहरू, कार्यपालिका सदस्यहरू, निमित्त प्रमुख प्रशासकीय अधिकृत ,विषयगत शाखाका प्रमुखहरू, रेडक्रसका प्रतिनिधि, वाक नेपालका प्रतिनिधि, पत्रकार , लगायतको सहभागिता रहेको थियो ।