प्रश्नपत्र प्रकरण : सरस्वती माबि जयगढका एक शिक्षक निलम्बित, छात्राको परीक्षा रद्ध

श्रावण ३१ गते,अछाम । बान्नीगढी जयगढ गाउँपालिकाको केन्द्रमा रहेको सरस्वती माध्यमिक विद्यालयमा कार्यरत एक शिक्षकलाई निलम्बन गरीएको छ । प्रश्नपत्र बाहिरिनुमा ति शिक्षकको संलग्नता रहेको खुलेपछि उनलाई १ महिनाका लागी निलम्बन गरीएको बिद्यालयले जनाएको छ ।

कक्षा ११ को लेखा विषयको प्रश्नपत्र परिक्षा अगावै बाहिरिएपछि यस विषयमा छानविन गर्न गाउँपालिकाले छानविन समिति गठन गरी आवश्यक प्रतिवेदन तयार गर्दैछ । यता शिक्षा विकास तथा समन्वय इकाई अछामले पनि यस विषयमा विद्यालयलाई लिखित जवाफ माग गरेको छ ।

सरस्वती माध्यमिक विद्यालयको व्यवस्थापन समितिले भने प्रश्नपत्र बाहिरिनुमा दोषी देखिएका शिक्षकलाई एक महिना निलम्बन गर्ने र छात्राको यस वर्षको वार्षिक वार्षिक परीक्षा रद्द गर्ने निर्णय गरेको हो

प्रश्नपत्र बाहिरिनुमा शिक्षक हीरासिंह कडायत र कक्षा ११ मा अध्ययनरत छात्रा विनिता ताम्राकार दोषी देखिएको विद्यालय गरेको आन्तरिक अनुसन्धानले निष्कर्ष निकालेको छ । सरस्वती माध्यमिक विद्यालय जयगढको कक्षा ११ को लेखा विषयको प्रश्नपत्र परिक्षा अगावै बाहिरिएको बारे विभिन्न सञ्चारमाध्यममा समाचार प्रकाशन तथा प्रशारण भएका थिए । बान्नीगढी टुडेबाट साभार

यसबारे बिद्यालयले गरेको निर्णय हेर्नुहोस् ।